"Өндөр гэгээнийхээ өвийг дээдлэн өнөд эгшиглэх хуураа хөглөе" арга хэмжээ зохион байгуулагдлаа.
Тус арга хэмжээний хүрээнд Ганданпунцоглин хийдийн хамба лам, хэл бичгийн ухааны доктор Я.Ганзаяа "Соёмбын утга, бэлгэдэл", Өндөр Гэгээний хосгүй гайхамшигт бичгийн өв "Жанлавцогзол" номын утга тайлбарын тухай илтгэл тавьсан бол соёл, судлалын ухааны доктор (Ph.D) Л.Пүрэвлхам "Өндөр Гэгээний өв дэх хосмолжин шинж" эрдэм шинжилгээний лекц уншлаа.
Мөн Хөгжимт драмын театрын жүжигчин А.Номинчимэг Жанлавцогзол номын монгол хувилбарыг уншиж, Хөгжимт драмын театрын дэргэдэх Өсвөрийн морин хуурын чуулга шилдэг бүтээлүүдийн дээжээс тоглож багш албан хаагчдын сонорыг мялаалаа.
